‘Cuimhne’ le Féilim Ó Brádaigh

Shleamhnaigh cuimhne isteach an fhuinneog

Aréir is mé im’ chodladh,

 

Is lonnaigh i ngort m’aigne.

Cuimhne a d’éag is a d’fhás

 

Le rithim na hanála,

Rithim mhall na hoíche.

 

Cuimhne bheo, ina Lazarus,

A d’eitil is a chuimil crainn,

 

Crainn shéimhe na mbrionglóidí;

A leag a lámh ar mo chliabhrach;

 

A lean mo chosa tríd an oíche

Idir chodladh is dhúiseacht lag.

 

Ar bhéal na maidine,

Bheannaigh mé don ghrian

 

Is dhóigh mé an chuimhne gan trócaire.

 

(Foilsíodh leagan níos luaithe den dán seo i dTuathal.)

Féilim Written by:

Be First to Comment

Leave a Reply

Your email address will not be published.